कोरोना अपडेट : लमजुङमा हिजो संक्रमण शुन्य, आज २१ जना नयाँ संक्रमित थपिए, आज ५ जनाले कोरोना जिते, निधन शुन्य
अन्तरङ्ग सम्वाददाता बेसीशहर– लमजुङमा कोरोना भाइरस(कोभिड– १९) बाट संक्रमित हुने संख्यामा उतारचढाब भइरहेको छ । हिजो संक्रमण शुन्य देखिएर खुशीको सञ्चार भएकोमा आज भने २१ जना नयाँ संक्रमण पुष्टि भएको छ । आज साउन ८ गते एक ४ वर्षीया बालिका सहित २१ जनामा संक्रमण पुष्टि भएको हो । आज कोरोना जित्नेको संख्या ५ जना थप भएका छन् भने कोरोनाको कारण निधन भएको छैन । आज थप भएको संख्या समेत जिल्लामा कोरोना संक्रमित हुनेहरू कुल दुई हजार १९६ जना पुगेका छन् । हालसम्म कोरोना जित्नेको संख्या दुई हजार २९ पुगेको छ । सक्रिय संक्रमितको संख्या १३२ जना रहेको छ । आज पनि चार पालिकामा संक्रमित फेला परेका छन् । आज मध्यनेपाल नगरपालिका, दूधपोखरी गाउँपालिका, दोर्दी गाउँपालिका र क्ब्होलासोंथर गाउँपालिकामा कुनै पनि संक्रमित फेला परेका छैनन् । संक्रमितहरूमध्ये बेसीशहर नगरपालिकामा सबैभन्दा धेरै ९ जनामा संक्रमण पुष्टि भएको छ । त्यस बाहेक सुन्दरबजार नगरपालिकाका ६ जना, राइनास नगरपालिकाका ४ जना र मर्स्याङ्दी गाउँपालिका – १ का ३८ वर्षका पुरुषमा संक्रमण पुष्टि भएको हो । यसैगरी, तनहूँको भानु नगरपालिकाम
